SO KAPLIYO O BAI KO WALAY NIYAN PANTAG SA KANGGALBEK

SO KAPLIYO O BAI KO WALAY NIYAN PANTAG SA KANGGALBEK
Inisorat i Monib Sarangani
...................................

Pakaiza: 

Antonaay hukoman o kanggalbek o bai sii ko darpa a kenaobaon dii makasembor so mama agoso babay, na kominowa sa Helper a babay a Muslimah a aya niyan pepakaritanen ko manga wata iyan ko masa a kaada iyan sa walay, ko oriyan o kiyapakaayon i darodopa iyan?

Sembag: 

Da a karata anan amayka benar angkanan a manga sarat a inaloyingka, asar mambo a kenaoba giyangkoto a kapekhada iyan sa walay na khasabapan sa Fitna (kakhadosa i karoma niyan) ka kagiya siran bo i pekalamba a babalayan agoso Helper a peritan, amay peman kaba khasabapi sa kakhadosa i karoma niyan ka kagiya da a phakaalang ko kakhitalmba o Fitna, sabap ko kapekhatarambisa i darodopa iyan agoso Helper iyan sa walay a siran bo, na aya patot na ibagak angkoto a bai so kapenggalbek iyan ka kenaobaon oto paliyogat, ka atastanggongan i darodopa iyan so oyagan sa ginawa. [Shaikh Bin Baz, Fatawa Islamiyah, Vol. 3/386].

(Osayan ami ron) Aya miyasabot ami sii na miyapakay so kanggalbek o bai amayka di khasabapan sa kakhafitna o darodopa iyan a mama, ikadowa na giyangkoto a darpa a penggalbekan o bai na kenaobaon dii makasembor so mama agoso bai, na ay pandapatka amayka ayaden a khafitna naso bai a gomagalbek ka kagiya giyangkoto a darpa a gagalbekan iyan na makaperorongraon so dato agoso bai. Baanda mas mala so di niyan kakhapakay.

Pakaiza: 

Ino khapakay so kanggalbek o bai sii ko manga opisina, amayka giyangkoto a opisina na sii maaped (isa a departamento) o opisina a Islamic Affairs ago Awqaf?

Sembag:

So dii kanggalbek o bai sii ko manga opisina na di magawa sii sangkai a dowa betad:

Paganay ron: 

Giyangkoto a opisina na parabo sa manga bai, ka ibarat o manga iskowilaan odina manga madrasa a para sa manga bai agoso datar anan, sa da abaon pesong arowar sa manga bai, samanan na sii ko datar anan na da a karata o kanggalbekon o bai.

Ikadowa:

Amayka giyangkoto a opisina na makasesemboron so dato agoso bai, na di khapakay so kanggalbek o bai sa galbek a mithotompok (miseseged) iyanon so mama, a siran a dowa na matitimo ko isa a darpa, sabap ko kapekhaaden o Fitna ko dii kapakasembor o manga bai agoso manga dato.

Go sabenar a piyaka-iktiyar o Nabi (Sallallahu Alaihi Wasallam) so manga omat iyan ko Fitna ko manga bai, sa piyakisabotan iyan a mataan a da a kiyatalikodan iyan (kiyaganatan iyan) a Fitna a phakamorala ko manga dato arowar ko manga bai, giyoto i sabap a taman sii ko manga darpa a simba (datar o kasambayang) na inipangoyat o Nabi (Sallallahu Alaihi Wasallam) so kaawata o bai sii ko dato, pitharo iyan a: "Aya pirmiro (mapiya) ko saap o manga bai naso matatampar sa oriyan, na aya marataon naso matatampar sa onaan." Sabap sa kagiya so matatampar sa onaan na aya marani ko manga dato na giyoto i marata ko manga saap iran, naso matatampar sa oriyan na aya mawatan ko manga dato na giyoto i mapiyaon (pirmiro ron), sa giyanan na marayag a karina.

So Islam na mawatan i pangali sii ko kinisogoon iyan sa kapakawatan o manga bai ko dii kisemboren ko manga dato, sa tao a ndirogoden iyan so mambebetad o manga pagtao (nation) na disomala a masarabantang ko pikir iyan a mataan a so dii kasembor o manga bai agoso manga dato na Fitna (morala) a mala a taman imanto na diiran dii mipagataat so awlan iyan, sa di iran mipepokasa. [Shaikh Muhammad Al-Uthaimeen, Nouron Alad-Darb, pandangan a 82-83].

(Osayan ami ron) Giyai na manga hukoman a langkap (rabray), na amayka ba aya kay-ilayangkaon na sii ka ko betad a kamotowan na khapakay a liwanaganka ko manga ulama, ka kagiya so betad a kamotowan na aden mambo a hukomanon o Islam, go oman i hukoman na aden igira a matatabiyaon.

6 Num a Sabap a pkhasabapan sa kapkha Murtad Kufr o mga Dato (Olowan)

Mranao version of: “6 Reasons why all the rulers are Murtad”.

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Assalamualaikum warahmatullahi wabarakatuh

Sa kataya na piphalapalad ami rkano!

-------------------------------------------------------------------------------------
6 Num a Sabap a pkhasabapan sa kapkha Murtad Kufr o mga Dato (Olowan)
Alongan a Salasa, 31 August 2010  16:26
-------------------------------------------------------------------------------------

Paganay ron na taralbi a kasasabotan a so Allah (subhana wa Ta'ala) na madakl i kabnar (Huquoq ullah):

Huqouq ullah – So mga Kabnar o Allah
1. Kabnar o mga Ngaran ago so mga Ropaan Niyan
2. Kabnar o mga sugoan Niyan
3. Kabnar a kasimbaa rkanyan a tolabos a Skanyan bo

So langon a Muslim na paliyogat kiran a kalindinga iran ko kabnar o Allah (subhana wa Ta'ala). Na so mga olowan ko ingd o mga Muslim na masosopak iran, kokowan iran a kasablawan nago indadarainon iran so kabnar o Allah, na sadn so somogok san na Mushrik.

So mga Pangkatan o Agama
1. Muhsin (Ihsaan) – so kasimbaa ko Allah sa lagid ka skaynyan o phagilayn
2. Mu’min (Imaan) – mga katharo, galbk nago kathindgi ron.
3. Muslim (Islam) – kasangkop

- So langowan a Muhsin na Mu’min nago Muslim
- So langowan a Mu’min na Muslim, ogaid na knaba Muhsin

Takfeer (Kaongkir)

Pzimbaan tano so Allah (subhana wa Ta'ala) sa phagongkir tano – pphakarayagn so tao a miyakafir. So At-Takfeer na paliyogat anan ko langowan a Muslim. Sa sadn sa dii pThakfeer na Mushrik ka giyanan i paganay a polaos o Tawhid, sa puphakasogo ko tao sa kapakarayaga niyan ko bithowan o Allah sa kafir na kafir. Na sadn sa DI nyan paka kapirn so piyaka kapir o Allah (subhana wa Ta'ala) na kokowaan nyan na piyagizawizaw nyan so Allah (subhana wa Ta'ala) ago so mga katharo o Allah. Sadn sa di pThakfeer na gii skanyan Thakdheeb (puphamokhag) – pakapphamokhagn nyan so Allah (subhana wa Ta'ala).

Andamayai kapkha-ongkira o tao ko Allah igira a da nyan pakarayaga a kiya-kapir o bithowan o Allah sa kafir? Sabap sa igira a piyaratiyaya tano so Allah, na knaba giyabo a kiyaparatiyayaa tano Rkanyan, ka sopn so mga katharo Iyan. Sa o piyakarayag o Allah so mga Yahodi ago mga Kristiyan a mga kafir ago so pphagizawizaw, pndiyamann, phakadayamangn nyan so kokoman a kafir sa mlagilagid anan, na pphaka ongkir tano amay ka di tano siran bthowan sa kafir ka giyanani pasodan o kaparatiyayaa ko Allah ago so mga katharo Iyan, mga ngaran, mga ropaan, mga galbk Iyan, nganin san.
 

So Hikma a mapapadalm ko Tiyoba

Mranao version of: “The wisdom behind calamities” by IslamQA.

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Assalamualaikum warahmatullahi wabarakatuh

Sa kataya na piphalapalad ami rkano!
--------------------------------------------------
So Hikma a mapapadalm ko Tiyoba
----------------------------------------

Lalayon akn pkhan’g a adn a mala a hikma ko mga Tiyoba a pkhitalmba ko pagtao. Antonaa i Hikma roo?

So langowan a podi na rk o Allah.

Oway, adn a miyakalala a mapapadalm a hikma ko mga tiyoba, pdon angkaya a pagaloyin:

1. An makapananangoran nago makapangangarongan a ginawa (‘ubbodiyyah) sii ko Allah, a Tohan o langowano Kaadn.

Kagiya madakl a mga tao a oripn siran o mga baya-a-ginawa iran, sa knaba siran titho a oripn o Allah. Gii ran tharoon a oripn siran o Allah, ogaid na igira a tipngan siran na pthawarang siran sa pkhapapas kiran a giya a dunya nago so Alongan-a-maori, sa giyoto i tanda ko titho a kalapis (kabinasa-an). Pitharo o Allah (pd ko maana niyan):

“Na adn a pd ko manga manosiya a pzimbaan iyan so Allah sa pkhaalangalangan: Na o masogat skaniyan a mapiya, na masoat on; na o masogat skaniyan a tiyoba, na klidn iyan a paras iyan: Miyalogi sa doniya, go sa akhirat: Giyoto man na skaniyan so kalogi a mapayag!” 22:11

2. So mga Tpng (tiyoba) na ithitiyagar oto ko miyamaratiyaya ka an siran maka-apas ko liyawaw o lupa.

Miyatharo ko Imam al-Shaafa’i (ikaimo skanyan o Allah): Antonaai mapiya, kazabar odi na tpng, odi na kapaka-apas? Pitharo iyan: So kapaka-apas na aya minirampay san na so mga Nabi (alaihimussalaam), na dadn a kapakaapas a inontabo ko oriyano mga tpng (tiyoba). Igira a so tao na tipngan na gii makazabar, na opama ka masabar na phaka-apas.

So Muslim a aya puphanonowatanan niyan na so mga Kafir

Mranao version of: “A Muslim for the sake of the Disbelievers”

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Assalamualaikum warahmatullahi wabarakatuh

Sa kataya na piphalapalad ami rkano!

------------------------------------------------------------------------------------
“So Muslim a aya puphanonowatanan niyan na so mga Kafir”
Pammgayan a Hisbah
Alongan a Salasa, 29 Nobembar 2011, 09:15
------------------------------------------------------------------------------------

“So Muslim a aya puphanonowatanan niyan na so mga Kafir”

Miyakaiza:

“Aassalamualaikum Sheikh, pukhababayaan akn so mga galbk ka, nago mala a pukhasowa aknon. Tanto akn a masisinganin a kapd akn ko mga Mujahideen sa kunaba lagido kini ropaan kawn. Aya masisinganin akn na mabaloy ako a Mujahid ko da’wah a ron ako puphaganad sa paparatiyaan akn a giya ontol a okit. Miyakan’g ago miyakabatiya ako ko mga osayan ka o Antonai taralbi a zowaan o mga Muslim na aya paratiya ko ron na di bunar. Sa aya Ilayan ko ron na taralbi a makasoy ngka so mga galbk ka. So Jihad na didn khapakay oba ontol a okit ka aya paratiyaya ko ron na so Islam na agama a kalilintad, na o batano dn pamomono’an na miyaribat tano oba tano bthowi a giya agama sa agama a kalilintad. Aya patot a sowaan tano na pakambakwitn tano a Palestine ago Afghanistan na itaros tano so da’wah na sa di tano ron khagaga na timo’on ko Allah, inshaallah.

Smbag:

Lagid dn aya o adn a Muslim a sowa-sowat iyan ko Allah, ogaid na piyakammsa sa giya bago a masa a and a Muslim a sowa-sowat iyan ko mga kafir. Lagid opama o sakn na Muslim sa aya kamuMuslimi rakn na sadn sa kabaya o Allah, na so mambo so Muslim a sadn sa kabaya on o kafir. Giyotowi sabap a so Muslim na igira a mitharo na aya kiyatharo iyan na sowa-sowat ko Allah, na so sabaad ko mga Muslim na igira a DA tharo na ginggniyan oto sa sowa-sowat iyan ko mga kafir. Igira gii makithidawa so Muslim na sowa-sowat iyan ko Allah, nago igira so sabaad a mga Muslim na da pakithidawa – apiya pn ma-aasa so langon a sabap a kapakithidawa – na pithomo iyan oto ka sanggila iyan oba niyan di masowat so mga kafir. Marayag a kunaba giyanan e titho a maana nan, ogaid na pipindiyaraan a aya dalina na di mapiya ko da’wah, odi na pkhabogaw niyan so mga tao oba makarani ko Islam.

Pitharo o Allah: “Mataan! a ska na ding ka khatoro so taw a kiyababayaan ka; na ogaid na so Allah i thoro ko taw a kabaya Iyan; go Skaniyan i Matao ko khikkdg ko ontol. 28:56. Giya so Muslim a lagido sosogo’on sa kasosowaton o mga kafir. Lagid skanyan dn o sosogo’on sa aya dn mimbaloy a unayan a kpit iyan ko Sowa-sowat nago Kagwad (الولا والبراء) iyan para ko Allah. Sa pkhababayaan niyan so Muslim a pukhababayaan o mga kafir, na ipkhagowad iyan so mga Muslim a mapphakarata iyan so ingaran o mga Muslim. Pitharo o Rasul (sallallahu alaihi wasallam): “Didn makompleto so paratiyaya o isa rkano taman sa di mababaya sa sowa-sowat iyan ko Allah, komagwad sa sowa-sowat iyan ko Allah, mammgay sa sowa-sowat iyan ko Allah, nago tomawarang sa sowa-sowat iyan ko Allah”.
 

Giyayai Panarima (Aqeedah) nago Tindeg (Manhaj) Ami. -Noah's Ark

Mranao version of: “This is Our Aqeedah and Manhaj”

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Assalamualaikum warahmatullahi wabarakatuh

Sa kataya na piphalapalad ami rkano!

Giyayai Panarima (Aqeedah) nago Tindeg (Manhaj) ami

So langowan a bantogan na rko Allah, biyantog tano skanyan, ron tano puphangangarongan, ron tano puphangni sa map. Lominindong tano Rkanyan phoon ko karataan o mga ginawa tano, nago phoon ko karataan o mga koatan tano. Sadn sa toro-on o Allah na dadn a bawn makadadag, na sadn pman sa di toro-on o Allah na dadn mambo a makatoro-on. Pizaksian tano a da zimbaan a romowar ko Allah nago so Muhammad (saw) na Siogo (Rasul) a moripori a Rasul.

Oriyan nyan/Sabap san,

Alhamdulillah ka piyakambarakat o Allah a giya Mimbar Ansarud Deen piphalapalad iran sa ginawa niyo a giya ngkaya a kiyapayaga ko mga osayan a importante


Pitharo o Imam Shafi’i “So Allah na dadn a tiyarima iyan a kiyambaalan nyan a kompleto a da a sanin-saning iyan na inonta na so Kitab iyan a Qur’an. Sii ko kitab a (Jamal al-Quraa wa kamaal al-Aqraa a inisorat e As-Sakhawee)

Pangimbnar ko Panarima (Aqeedah) ago Sabot (Fiqh)

Tatarimaan ami a aya todao a ontol a Pangimbnar ko Tindg (Aqeedah), Sabot (Fiqh) odi na Tindg (Manhaj) na sii bo phoon a titho (authentic) ko Quran ago hadiths/sunnah, sa lagid o kiyasabotawn o mga salaf as-salih (siran so mga Sahaba a inupda o Rasul s.a.w., so mga Tabi-en – miyamakatondog kiran, Ta’ba at-Tabien – mga miyakatondog kiran pman) na giyayay mapapayag a okit o Ahlu Sunnah wal Jamaa’ah.

وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا

“Na sadn sa sorangn Iyan so Rasol ko oriyan o kiyapayag on o toroan, go komdg sa salakaw ko okit o miyamaratiyaya, na pakaantapn Ami skaniyan ko inantapan iyan, go pakasoldn Ami skaniyan ko naraka Jahannam, - a mikharatarata a khabolosan!” (4:115)

So pnggolaolaan o Miyaratiyaya igira a Minitalingoma so Tiyoba

Mranao version of: “The believer’s attitude towards calamities” by IslamQA.

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Assalamualaikum warahmatullahi wabarakatuh

Sa kataya na piphalapalad ami rkano!
---------------------------------------------------------------------------------------
So pnggolaolaan o Miyaratiyaya igira a Minitalingoma so Tiyoba
---------------------------------------------------------------------------------------

Igira a so Muslim na miyasogat a tiyoba nggolalan ko kambobolawasan niyan, odi na so tamok iyan, nganin san, na antonai taralbi a zowaan niyan sii ko kapakanggogolalan niyan ko Islam?

So langowan a podi na rko Allah

Paganay ron:

So mga Tiyoba na tpng, nago tanda oto sa kasosoat o Allah ko tao, sabap sa lagid siran o bulong: Mapait, apiya pn i kapait iyan na imbolong tano ko tao a khababayaan tano a kabolongi ron – sa so Allah na iniropa niyan sa mapiya. Sii ko saheeh hadeeth na miyatharo on: “Sadn sa kala o balas na khaparoli ko kala a tpng. Na igira a miyasowat so Allah ko mga tao na pthupungan niyan siran. Na sadn sa tomarima san na miyasowat iyan so Allah na sadn pman sa di nyan tarimaan na miyaparoli nyan so morka o Allah”, piyanothol i al-Tirmidhi (2396) ago si Ibn Maajah (4031); miyatndo a hasan i al-Albani sii ko Saheeh al-Tirmidhi.

So Tiyoba na mapiya ko miyaratiyaya sabap ko balas rka nyan a pthimoon sa alongan a maori; andamanayai di niyan kapiyai pkhiporo so pangkatan nyan ka pkhada so dosa niyan? Pitharo o Rasul (sallallahu alaihi wasallam): “Igira a khababayaan o Allah so mapiya ko oripn niyan, na pzambotn nyanon so kasiksaan nyan sa giya a dunya, nago igira a khabayaan Niyan a matitimo so kasiksaan nyan sabap ko mga dosa nyan na khatalingomaan nyan sa alongan a maori”. Piyanothol i al-Tirmidhi (2396); miyatndo a saheeh i al-Albaani sii ko Saheeh al-Tirmidhi.

So Kawan ko Kambantogan: Ma-ada a Paparangayan a Mapiya

Mranao version of: “The Fear of Fame: A Lost Characteristic"

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan. So pman so diyorobasa ko mga ayat sa Qur’an na sii tano dn kinowa ko diyorobasawn i Shaykh Abdulaziz Guro Alim Saromantang)

Mga katharo a mattndo a inipagomanon o mindiyorobasa na khailay niyo a tatagowan sa (Inungka:...)

Assalamualaikum warahmatullahi wabarakatuh

Sa kataya na piphalapalad ami rkano!

--------------------------------------------------------------------------
So Kawan ko Kambantogan: Ma-ada a Paparangayan a Mapiya
--------------------------------------------------------------------------

So mga Ulama a miyamaginontolan sii sa giya a Ummah na ipkhawan iran so  kambantogan nago sa kabaloy a popular ko mga tao. Di iran khababayaan oba pkha aloy so ngaran iran lalayon, na pkha ilay niyo siran a pphalagoyan iran so mga tao sa aya dn a kapipikira iranon na fitnah, nago igira na adn  a phagawaan nyan so darpa a pphangndaowan nyan sabap ko kiyapakadakl o tao ron.

Kataya so pd ko piyamakammsa a katharo a phoon ko mga salaf sa kaphlikay ran, sa tanda oto ko tkhes o ikhlas iran nago so sanggila iran ko kambantogan odi na ba siran gii mapamanothol.

MAKMPT A OSAYAN KO KAPANAKOTO

MAKMPT A OSAYAN KO KAPANAKOTO


الشرك: صرف حق من حقوق الله لغيره. اضواء البيان ٣/٦١٤
Aya kapanakoto na so kapaka antapa ko kabnar a pd ko manga kabnar o Allah sii ko salakaw ron.
Piyakadowa soson o manga ulama so kapanakoto, si Shiekh Ahmad bin Hajar Alo Botamie na tigiyan:
الشرك نوعان: أكبر و أصغر ، فمن خلص منهما وجبت له الجنة و من مات على الأكبر وجبت له النار.
So kapanakoto na dowa soson: mala a go maito, sa taw a miphokasa iyan a dowanan na miyapatoton so sorga, na sa taw a kapantagan a matay sii ko mala a kapanakoto na miyapatoton so naraka.
Piyakasnggaya o manga ulama so kapanakoto a mala a go kapanakoto a maito sa tigiran:
Paganay: so kapanakoto a mala na ipkhakapir, na so kapanakoto a maito na mala ko manga ala a dosa ko oriyan o kapanakoto a mala.
Ikadowa: so kapanakoto a mala na ipphakaliyo ko agama, na so kapanakoto a maito na di khiliyo ko agama ogaid na pkhapaawingan iyan so kapakaiisaisaa o oripn ko Allah.
Ikatlo: so kapanakoto a mala na ipkhailang o kalangowan a amal, na so kapanakoto a maito na ayabo a khailang iyan na so mappnto a simba a kiyasaoganon.
Ikapat: so kapanakoto a mala na ipkhatatap ko naraka, na so kapanakoto a maito na o minaraka o khiyolawlaon na lagid o kalilid a manga ala a dosa a sa kabayaon o Allah.
Ikalima: so kapanakoto a mala na pkhailang iyan so kapaparihala o ginawa a go so manga tamok, na so kapanakoto a maito na knaba lagidanan.
Ikanm; so kapanakoto a mala na di prilaan so taw a kapantaganon a kapatay, na so kapanakoto a maito na khitapnay so khiolawlaon ko timbangan.
المفيد فى مهمة التوحيد ص: ٩٨
Giyangkaiya kapanakoto a mala na pimaanaan o manga ulam sa tigiran:
الشرك الأكبر: إثبات شرك لله فى خصائصه ، فيجعل الإنسان ندا لله فى ربوبيته أو ألوهيته أو فى أسمائه وصفاته. فتاوى اللجنة الدائمة: ١/٥١٧-٥١٨
Aya kapanakoto a mala na skaniyan so kapaka thiknaa atawa katarima sa adn a sakotowa o Allah sii ko manga ropa a go galbk a mippnto sa siibo ko Allah.
Lagid o kasnggay o manosiya sa saginda o Allah sii ko kiyapangadn a go gii Niyan kanggiragiray (شرك فى ربوبيته) odi na sii ko manga ngaran a go manga sipat iyan (شرك فى أسمائه و صفاته) odi na sii ko kapzimbaaon (ألوهيته شرك فى)
Giyangkai a (ألوهيته شرك فى) kipanakoton ko Allah sii ko kapzimbaaon na giyai raramigan tano a pphakarayagn tano sangkai a osayan tano ka kagiya tanto a maito a kapkhaaloy niyan obadi amay ka pmataanan na saya miyakipang so panagontaman o manga muslim, giyai mala a kiyasabapan sa kiyabinasa o katotolabos o kapphagagama iran sii ko Allah.
So manga ulama na pimaanaan iran so kipanakoton ko Allah sii ko kapzimbaaon sa tigiran:
الشرك فى الألوهية: هو ان يجعل لله ندا فى العبادة ، او فى التشريع ، فيصرف العبد لغير الله شيئا من انواع العبادة التى تصرف لله ، أو يتخذ غيره مشرعا من دونه ، أو شريكا فى التشريع. فتاوى اللجنة الدائمة للبحوث العالمية و الإفتاء: ١/٥١٦
Skaniyan so kasnggayi sa saginda o Allah sii ko simba, odi na sii ko kambaal sa bitikan, a pakaantpn o oripn ko salakaw ko Allah so nganin a pd ko sosonan a simba a so siibo oto pphakaantapa ko Allah, odi na komowa sa salakaw ko Allah a pphangmbaal sa bitikan a salakaw Rkaniyan odi na sakotowa Iyan sii ko gii kambaal sa bitikan.
Pd sa iphakapiya a ginawa a so manga muslim na miyanamanamar siran sa kaimpidi ko manga rarayag ko manga simba. Sii ko kazambayang na miyakadakl so manga masjid apiya andaka zong na miyamakaborod so manga pipiyai paras a masjid somambo so kapowasa na babay mama a muslim na miyamowasa sa thitho a soasoat iyan ko Allah sakamaotodn so kanjakat a go kazadka, lagid mambo o kapnaihajji gatosan a manga Shiekh, dibodn pira lompok a pthanos sa kapiya a gii kinggolalann ko kapnaihajji babay mama na minaihajji sa thitho a panonoatan ko Allah, miyakadakla taw ko manga madrasa rampi sa di khaitong so manga alim a go miyamakalangag sa quran, miyakadakl a pphatoginaan sa doctor, apiya andaka plinggi na ndodon so manga tablig, dadn a sabapaya a rowar sa gii kapanizakay o omani isa sa kinggolalann iyan ko simba.
Ogaid na aya masikawron sa ginawa a go thitho a pakammsa na lagid oba pipharo a manga muslim aya a giyanamboi agama na khasanaan dn, siiran dn pinggalbk angkanan a manga simba a miyangaaaloy a go so salakawron sii ko kasisirong iran a pphangongonotan siran ko parinta a kna o ba parinta a kaiislami sa aya iran dn paparatiyaan a parinta, hokoman, bitikan a go atoran a gii phatopato sa taks ko kawyagoyag o kaphagingd iran.
Aya miyapharas iyan na ipphangongonotan iran so pithibarangan a simba iran sii ko Allah a go so Nabi SAW na ipphangongonotan iran so parinta iran, hokoman iran, bitikan iran a go so atoran o kawyagoyag o kaphagingd iran sii ko salakaw ko Allah.
Manga pagari ko a manga muslim kdga niyo so history ka dadn a matoon niyo a sakataw bo ko masa o Rasulullah a phagonot Rkaniyan ko manga simba na ba amay ka miyaka liyo na sii pman phagonot ko Abu Jahl sa bitikan, hokoman na go atoran. Kdga niyo ka owadn matoon iyo na giyoto so manga monafiq. 
Giyangkaya lagidaya a maolawla na bithowan aya o manga ulama sa tawheed sa (شرك الطاعة) kapanakoto ko kapangongonotan, iniropa iran sa tigiran:
شرك الطاعة: هي مساواة غير الله با لله فى التشريع و الحكم. المفيد فى مهمات التوحيد: ص ١٠٩
Aya kipanakoton ko Allah sa kapangongonotan na skaniyan so kilagidn ko salakaw ko allah sii ko Allah ko kapangmbaal sa bitikan a go hokoman.
Pitharo o Allah:
إِنِ الْحُكْمُ إِلَّا لِلَّهِ ۚ أَمَرَ أَلَّا تَعْبُدُوا إِلَّا إِيَّاهُ ۚ ذَ‌ٰلِكَ الدِّينُ الْقَيِّمُ وَلَـٰكِنَّ أَكْثَرَ النَّاسِ لَا يَعْلَمُونَ ﴿٤٠﴾ يوسف
Da a hokoman inota na rk o Allah, inisogo Iyan a da a simbaan a rowar Rkaniyan, giyanani agama a ontol ogaid na kadaklan ko manga manosiya na diran katawan.
إِنِ الْحُكْمُ إِلَّا لِلَّهِ ۖ يَقُصُّ الْحَقَّ ۖ وَهُوَ خَيْرُ الْفَاصِلِينَ ﴿٥٧﴾ الأنعام
Da a hokoman, inonta na rk o Allah a pphanotholn Iyan so bnar a go Skaniyan i lbi a mapiya ko pphamangokom.
Didn khatarotop so paratiyaya a go di khabonayon so kapagagama sii ko Allah o di mindod so parinta, hokoman go so bitikan sii ko allah a go so sogo Iyan.
Pitharo o Allah:
فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا ﴿٦٥﴾ النساء
Na di, ka ibt ko Kadnan ka ka di siran khipaparatiyaya taman sa di siran rka makikokom ko nganin a kiyazasawalaan iran, oriyan iyan na da a magda iran ko manga ginawa iran a margn ko nganin a inibadangka a hokoman a go zalimbotawan siran sa samporna a kazalimbotawan.
وَمَن لَّمْ يَحْكُم بِمَا أَنزَلَ اللَّهُ فَأُولَـٰئِكَ هُمُ الْكَافِرُونَ ﴿٤٤﴾ المائدة
Sa taw a di niyan ihokom so initoron o Allah na siran man na siran i manga kapir.
عن عدى بن خاتم انه سمع رسول الله (صلم) يقرء هذه الآية: اتَّخَذُواْ أَحْبَارَهُمْ وَرُهْبَانَهُمْ أَرْبَاباً مِّن دُونِ اللّهِ. التوبة: ٣١ فقال لرسول الله (صلم): إنا لسنا نعبدهم ، قال: ((أليس يحرمون ما أحل الله فتحرمونه ، و يحلون ما حرم الله فتحلونه ؟ قال عدى: بلى فقال رسول الله (صلم): فتلك عبادتهم. أخرجه الترمذى
Miyakathitayan ko Adie bin Hatim a mataanaya a miyanegiyan so Rasul SAW a pmbatiyaan iyan angkai a ayat ((kinowa iran so manga ulama kiran a go so manga barasimba kiran a manga katohanan a salakaw ko Akllah)) pitharo iyan a hai sogo o Allah mataan a knabaami siran sinimba. Pitharo iyan SAW kna a pphakaharamn iran so piyakahalal o Allah na pphakaharamn iyo mambo oto? A go pphakahalaln iran so hiyaram o Allah na pphakahalaln iyo mambo oto? Pitharo i Adie: ana owayi! Na pitharo o Rasul SAW ((giyoto I kapzimbaa kiran))
Pitharo o Allah:
وَإِنْ أَطَعْتُمُوهُمْ إِنَّكُمْ لَمُشْرِكُونَ ﴿١٢١﴾ الأنعام
Ophoon iyo siran onoti na mataan a skano na thitho kanodn a manga pananakoto.
So Shiekh AlAmeen AsSingqitie a kilala a mofassir na tigiyan:
إن الذين يتبعون القوانين الوضعية التى شرعها الشيطان على ألسنة أوليائه مخالفا لما شرعه الله جل و علا على ألسنة رسله صلوات الله و سلامه عليهم ، أنه لا يشك فى كفرهم و شركهم إلا من طمس الله بصيرته و أعماه عن نور الوحى مثلهم. أضواء البيان ٤/٨٣-٨٤
Mataan a so siranoto a pphangongonotan siran ko manga bitikan a ibabada, a so inmbaalan skaniyan o saitan a minggolalan ko manga katharo o manga dokapila iyan, a makasosorang ko bitikan a inmbaalan oto o Allah a maporo a minggolalan ko manga katharo o manga sogo Iyan, inikalimo siran o Allah na mataan aya a da a zangka sa kiyakapir iran a go so kiyamoshrik iran a rowar ko pinilsan o Allah so pangilailayan iyan ko bnar a go biyota Niyan ko sindaw o wahi a lagidiran.
Ayadn a patot na kapatngan a go mainngka phiyapiya o barasimba a so kapakapanakoto sii ko parinta, hokoman a go bitikan na ligid dn o kapanakoto sii ko simba, aya maana niyan na o tomarima so taw sa parinta, hokoman o di na bitikan a salakaw ko inisogo o Allah na mlagid dn a go so sominimba sa barahala o di na kros. 
Pitharo i Shiekh AsSingqitie:
فالإشراك با لله فى حكمه كالإشراك به فى عبادته ، قال فى حكمه: ((وَلَا يُشْرِكُ فِي حُكْمِهِ أَحَداً)) الكهف: ٢٦ فى قراءة ابن عامر من السبعة ((وَلَا تُشْرِكُ فِي حُكْمِهِ أَحَداً)) بصيغة النهى ، وقال فى الإشراك به فى عبادته: ((فَمَن كَانَ يَرْجُو لِقَاء رَبِّهِ فَلْيَعْمَلْ عَمَلاً صَالِحاً وَلَا يُشْرِكْ بِعِبَادَةِ رَبِّهِ أَحَداً)) الكهف: ١١٠ فالأمران سواء: أضواء البيان ٤/٤١٩
So kipanakoton ko Allah sii ko hokoman Iyan na lagid dn o kipanakotonon ko kapsimbaa Rkaniyan, pitharo Iyan makapantag ko hokoman Iyan: na di Niyan phakisakotowan so hokoman Iyan sa isabo, sii ko kabatiya i Ibn Amer a pd ko pito a kabatiya na lapiyat a kasapar ((obangka panakoton so hokoman Iyan sa isabo)). Pitharo Iyan makapantag ko kipanakotonon sii ko simba Rkaniyan: ((sa taw a aya btad iyan na aarapn iyan so mapiya a kimbaratmowaan ko kadnan iyan na nggalbk sa amal a mampiya go di niyan phanakoton so kapzimbaa ko Kadnan iyan sa isabo)) giyangkanan a dowa a maolaola na mlagid dn.

So Caravan (sagorompong a mga tao ko Jihad) na miphoon siran dn na na Punggbo mambo so mga Aso (mga tamoliyas)

Mranao version of: “The Caravan are Moving and the Dogs are Barking"
by Shaykh Abu Muhammad Al-Maqdisi

Pitowa: (Paka-asal angkaya mga ktharo na phoon sa basa English. Na araparap sa kapakasagogod nago kaliwanag a kasaboti sangkaya a mga katharo na so mindiyorobasawn sa basa Iranon na kiyapangomanan nago kiyapllbatan niyan sa da ma pira taga ka kalo-kalo na mamondas so titho a mapipikiron a mapiya. Adn a mga katharo a da tano dn alina ka sabap ko badn phakawatan so maana niyan.

Katharo o Mindiyorobasa: Paganay ron na di kano katkawi ko kasakit a kapuphakatana o mga katharo sa giya a sagintas ko panagontaman a inisorat i Shaykh Abu Muhammad Al-Maqdisi, nago di niyo thangkapa oba giyayabo i okit a kakhilalaa niyo ron, katawan skanyan a madakl a miyapasad iyan a mga pipiya a kitab a ka-Islamee, sabap san na sii ko onaan pn o da tano kalabo-i sa giya a inisorat iyan na limpiyowan tano so mga puso tano nago mga pamikiran tano ko kazoramig, maana igira a di ngka khababayaan so mbatiyaan ka, ka aya niyat kawn na kazodi na margn oba ngka sabota so mapipikir o mitharo. Toro-on tano langon o Allah ko lalan a matitho.

Assalamualaikum warahmatullahi wabarakatuh

Sa kataya na piphalapalad ami rkano!

So Caravan (sagorompong a mga tao ko Jihad) na miphoon siran dn na na Punggbo mambo so mga Aso (mga tamoliyas)

Inisorat i Shaykh Abu Muhammad Al-Maqdisi (siyapn o Allah)

Pitharo o Allah a mbgay sa kapakaapas, toroan ko ontol, kalantas, nago limo ko mga tao a pithomo iran so Jihad sa aya antap iran na so bantogan o Allah.

So titho a mga Mujahideen na mala i Ilmo, malantas nago maliwanag i kapamimikiran. Sabap san na opama ko so tao na phangiloba sa ontol a smbag na taralbi dn a sii song ko mga Mujahideen, sabap sa bigan siran o Allah sa kalantas a kapamimikiran a ini-onga o kiyan Jihad iran.

So Mujahid na taralbi dn a kapkha rogoda nyan ko btad iyan nago so mlilibta rkanyan ko okit a kapphangadii nyan ko Jihad. So Allah na bigan nyan so Mujahid sa kapasang a kailay ago kan’g sa pira takp a di so komakalilid a pagtao. So mga Mujahideen na di iran makikhinanglan so mga Ulama a knaba kiran pd. Sabap so mga Ulama iran na mga lalantas nago mga liliwanag i ilayan ko kapakithidawa ago jihad. So kapasang iran na onga o Jihad ago sii sa maidan a ron pukhamasa-i so kaontol o Allah, nago mipphagawa so nganin a inam ko dunya. Kna dn oba siran ribat ka so mga olowan iran ago mga Ulama iran ko Jihad na siran bo i mga tao a inarga iran so panagontaman iran ko Jihad, nago so miyanggona iranon nago so inionga o mga antap iran.

Di iran kinanglan so pangthoma o mga tao a badn khi-oontod. Di iran kinanglan so pamikiran o mga tao a gii makithaoripn sa Amerika nago so mga tao romiyondan sabap sa giya misasamblay a kamrmr, nago oba siran kasnditi sa terrorist. Giya ngkoto a mga journalists, seculars1 ago intellectuals (sosobra so kapasang iyan ko ilmo a Western Education) a pkhabmbar sa giya mga telebisyon, mga pimbarang a news papers na ribat.